Thursday, November 2, 2017

''Solenopsis invicta'' in horto meo inventa.

Heri conspicatus sum genus formicae novum in horto meo cursitantis, quas credo '' Solenopsis invicta '' nuncupata esse. Hae formicae periculosae, anno MMI in vectorum necopinorum sarcinis  terris de extraneis advenientium casu patriam meam intraverunt creditur. Illum abhinc annum, magistratus civitatis meae,  perdite eas eradicare conabantur, sed infeliciter frustra.   Et adhuc expandere trans patriam meam pergunt.
Nidificium formicarum quod inveni, manubrii extremo sarculi comminui.

Saturday, October 7, 2017

Ubi sunt claves?

Hodie mane, pater recordari locum non poterat, ubi claves autoraedae  electronicas posuerat. Hodie post meridiem, claves in bracarum sinu eius fune vestiario pendentes inventae sunt. Et poterant machinae turbinibus tumultibusque lavatoriae superare.

Sunday, April 30, 2017

Psittacus Mysticus.


Nuper per mensem aprilem praeteritum. Quendam psittacum interdum supra domum meam volantem conspiciebam, quem numquam antehac in regione mea videram, quando enim primo, is mihi conspectus est, putabam eum avem domesticam esse effugitam. Hodie mane autem tres ''Avicedam subcristatam'' consectantes vidi. Fortasse uno die, huius avis  nomen verum resciscam.

Wednesday, April 26, 2017

Hodie mane, secundum semitam meam ambulabam, sursum in arbores spectans, quando casu in canis stercus pedem nudum meum posui. Celeriter in domum festinavi, et ad balneum derectim ii.  Pulverem, qui  adhibetur ad vestes lavandas, in pedem applicavi, et diligenter purgatus est pes.

Thursday, January 26, 2017

Aestas sine instrumento refrigerandi aeris.

Heri, dies calidus fuit. Instrumento autem refrigerandi aeris non utebamur, quia convectra solaria in tecto nostro non reparari potuerunt. Itaque aestatem residuam pati cogimur sine adiumento refrigeranti eius.
Sed saltem ventilatra nostra habemus.

Wednesday, January 25, 2017

Hodie mane experrectus sum.

Hodie mane, hora prima post mediam noctem experrectus sum. Post sellam familiaricam inieram, ventilatrumque electricum exstinxi, somnum iterum  capere nequibam. Post horam unam, ventilatrum rursus accendi. Nam triginta adhuc gradus celsiani in cubiculo meo erat. Omni mane, hora quinta et dodrante, vasa escaria mudare soleo, absque hodie mane, cum hora octava ea delavarem.

Tuesday, December 27, 2016

Iter nostrum inter frutices densos ad aspectum.

Heri post meridiem, pater egoque ad fratris domum iimus. Illinc in vehiculo fratris in montes iter fecimus, ubi pater pueritiam suam degerat. Ad clivum arduum, ubi pater olim gregem pecudum sursum cogeret, advenimus. Nunc hic collis fruticibus densis accretus est, et semitam propriam nostram formare coacti sumus, inter frutices densos.